منهاج البيئة والصحة
بيئة وصحة يعنى إيه :: يعنى جرنالك يابيه
يعنى أحلى صحافة حرّة :: فين وامتى ؟ إزاى وليه
يعنى رأى الناس ورأيك :: ما احنا دايماً بنراعيه
يعنى موقف للمحاسبة :: طول كفاحنا انّادى بيه
يعنى بكره ، ويعنى بعدُه :: دا ـ الأمل مالى عينينه
فيها علم ، وفيها دين :: والتخصص ندعيه
فيها صحتك فيها راحتك :: مش تعرّى وكباريه
فيها جرأة ورأى نافذ :: مهما كان هنقول عليه
فيها صرخة اف ـ وجه ظالم :: فيها كل ماتشتهيه
نقد هادف ما أنت شايف :: فى سواها ما اتلاقيه
اللى حقق واللى حاور :: كشف مستور واللى ناور
والوطن مليان مغاور :: من تلوث هنداويه
لحتباس والمبيدات :: أوبئة أو فيروسات
والجفاف والسرطانات :: كل دا هنحكى فيه
مدْ إيدك قُوم معايا :: ياللّّه نتصدّى لقضايا
أصلنا اغلبنا شكايا :: والفساد مش هنداريه
وسمِّ ربّك واقرا فيها :: وادعى للى شاركوا فيها
الحقيقة نبتغيها :: والتجنى مالنا فيه
نخبة جادة ف ـ موضوعاتها :: والتربح مش غايتها
واعية صادقة تخشى ربها :: وف ـ عملها تتقيه
قول براحتك ولا خايف :: موته واحدة ولا إيه
فوق رؤسنا المصلحين :: واللى يفسد دوس عليه
واللى يخرّب فى بلادنا :: حطّ قلمك فى عينيه